#終極倒轉睇世界｜6 面環球「天空之鏡」｜終極 Bucketlist：香港、日本都有！@GOtrip

網民的力量大就當然唔講得少，唔少地方一經網路瘋傳，都變成全世界文青的熱門旅遊點，其中一個最好的例子，定必是「天空之鏡」！早年香港銀行廣告、電影都借用天空之鏡做背景，無啦啦唔係背包客、無想像過要去南美嘅人，都將佢變成至恨去的bucket

list。不過影面鏡啫，又唔一定要大花金錢，再搭35個鐘頭以上的飛機＋巴士，山長水遠先去到嘅。地球上有唔少地方都有呢個效果，有部份仲好近香港，今次就同大家數數全球6塊至省鏡！

＊影相前記緊要愛護當地環境，不留下垃圾，影相之餘都不要影響其他人！＊

撰文：GOtrip編輯部（原文刊於 GOtrip）

01｜最就腳！香港街坊、文青打卡點！

做人目光放得遠係好，但有時自己地方都係寶！直接被網民稱為「Instagram

pier」的西環碼頭，隨手在IG搜索，都搵到巨量的攝影愛好者、文青、型人去影相打卡。要影到西環碼頭的天空之鏡效果，都要睇睇彩數。最好的時間是在雨後的黃昏，借地上不平的小窿，把相機貼近水平面，映照夕陽和彩霞拍攝，效果就最Perfect！

火戀 . . . . . #shotoniphone #makemoments #momentwide #createcommune

#WellTravelled #lifeofadventure #liveauthentic #inspirationcultmag

#timeouthk #visualhongkong #discoverhongkong  #snapshotoftheday

#rsa_photo_of_the_day #hkblogger #travelbloggers #hypebeasthk

#bevisuallyinspired  #captchina #pbhk #instameethk #lifewelltravelled

#寫真好きと繋がりたい #instagrampier #lomographyhk #季語 #寫真好きな人と繋がりたい

#busystrangers #hkwedding #hkprewedding #hongkongwedding

A post shared by  JOHNNY TO (@johnny__to) on Apr 6, 2018 at 4:31pm PDT

就算無雨，西環碼頭都有好多影相位，好似貨櫃碼頭、竹棚等；影唔到塊鏡，都唔會空手而回。但最近政府有意收回用地作其他發展，去影相之餘也可以多留意這個地方的去向。

#20180404 Hard times will always reveal true friends️ –

第三次西環碼頭了。。。‍♂️ 全部相都抄哂車了 – : @haha_tony2001  

#2k18#haileyxchantal#西環碼頭

A post shared by  哈利 (@haileyyyy_nggg) on Apr 4, 2018 at 8:13am PDT

Don』t get too close it』s dark inside . Shot by

@elvi_chuang  #fiftyshadesofblack #darker #moodyaf #sinister #instamood

#chill #demons #portrait #photography #hkig #852

A post shared by  Rosanna Li (@relevinge) on Apr 1, 2018 at 7:04pm PDT

香港西環碼頭

前往方法：搭港鐵到香港大學站，B2出口步行約20分鐘

到達難度：★☆☆☆☆（搭港鐵都去到，無難度可言啦！）

拍攝難度：★★★★☆（無落雨的話就無鏡面效果）

小貼士

日落時份碼頭沒有車輛，可以放心影相；不過天黑後要份外小心，碼頭沒有圍欄，而且燈光較暗，不要為影相變跳海！

02｜動畫迷最愛！宮崎駿 Feel 日版鏡面

唔使望到咁遠，有無想像過，去一轉東京Shopping

仲可以睇埋天空之鏡，再去埋三鷹嘅三鷹之森吉卜力美術館，簡直係Dream

到出天堂啦！位於千葉縣木更津市嘅江川海岸被譽為隱世版「日本天空之鏡」，係日本龍友嘅私影熱點，除咗因為有塊「鏡」出名之外，當中的「海中電柱」都係地方名物！呢度有成排燈柱整齊楝喺海中心，有眼利嘅日本網民發現和「千與千尋」的場景好相似。

由 新假期 提供

倒轉看世界 天空之鏡 玻利維亞

圖片來源：matome.naver.jp

由 新假期 提供

景色跟千與千尋的畫面非常相似！

不過呢度睇鏡都唔容易，本刊記者採訪時足足去咗5次先影到天空之鏡的效果！因為江川海岸會受潮汐漲退影響；潮退時海岸3分1都一片乾塘，泥窪鬆散，不能再走遠海邊。潮漲時水位不是稍稍漲高，而是變成汪洋大海。所以出發前，記得Check定「江川漁業協同組合」官方網站，每年都會上載3至8月的潮退時間！

由 新假期 提供

倒轉看世界 天空之鏡 玻利維亞

圖片來源：江川漁業協同組合官方網站

睇潮汐表，最好就在剛開始潮漲的黃金一小時影，仲要天清氣朗，無風先影到無痕鏡面。幸運地夾到在日落時份來，成個畫面就會由藍色漸變到紅色，十分夢幻同有層次感！

2018 4.10 感動し過ぎて言葉出なかった – #日本のウユニ塩湖 #江川海岸 #canon #eos5dmarkii

A post shared by  Koichi Watanabe (@kochan.w) on Apr 11, 2018 at 7:17pm PDT

#江川海岸 #ポートレート

A post shared by  りょーた (@ryota_blue) on Apr 8, 2018 at 3:40pm PDT

由 新假期 提供

等到黃昏可以影到藍變黃的景象。

由 新假期 提供

遇上天氣不好，都有另一番風味。

日本千葉縣木更津市江川海岸

前往方法：於JR木更津站西口對出，乘坐2號巴士，半小時可達；亦可選擇由JR厳根駅坐的士，約15分

到達難度：★★★☆☆（去程簡單，但若在日落後回程，需天黑黑行半粒鐘搭巴士或Call 的士）

拍攝難度：★★★★☆（潮水太深企唔到，太淺水鏡面又呈現泥坑！要由潮退等到潮水剛漲，仲要天晴兼無風！）

小貼士

1. 根據潮水漲退時間，江川海岸每年約3月尾至8月開放，其餘時間均會掛上「Danger」警告。

2. 如果要影日落又唔想摸黑行半個小時出去搭巴士，記得要提前一個小時打回酒店請求幫手call 的士，否則就要摸黑步行半小時至巴士站！

3. 泥地上佈滿刺腳的蜆殼，而且有時會泥足深陷，為安全同方便起見， 著番對水靴最穩陣！

03｜日本爆紅！瀨戶內海絕景

除了去東京，如果你去四國的話，一樣可以去睇另一面「鏡」。近年日本爆紅的是位於有烏冬縣之稱，香川的父母濱海岸（父母ヶ浜）。

由 新假期 提供

識擺甫士，同朋友整返個網陣！

這個父母濱海岸位於三豊市，對外地人來講知名度不算高，但因為受日本網民力推為日版玻利維亞，人氣急升後，三豊市観光交流局都為此刊出了日、中、英詳盡的介紹。官方網頁有齊交通、潮汐漲退同最佳拍攝日期和日落時間，勁細心，Bookmark定就啱了！

由 新假期 提供

圖片來源：三豊市観光交流局

由 新假期 提供

最好的拍攝角度，蹲下來！

父母濱海岸係一片沙灘，有長達1公里嘅海岸線。退潮時的父母濱海岸，就會出現獨特的潟湖。呢個時候，只要挑選一片較大面積的水池，蹲低身，沒有風的情況下，就會拍出一面平靜如鏡的水面，完美倒映出天空。

由 新假期 提供

圖片來源：三豊市観光交流局

由 新假期 提供

用手機，較HDR，一樣影到。

要影到靚到窒息又呃Like的相片，最佳拍攝時間係日落前後短短的半小時。鹹蛋黃徐徐落下當然係靚啦，加上一些浮雲，天堂一樣！但其實日落後的紫紅晚霞同橙紅餘暉，強烈嘅色彩對比就更加難忘。

由 新假期 提供

日落時份，大家都揀定位置影相。

由 新假期 提供

現場仲有拍攝指導。

想影到靚相，不妨帶點小道具、好似遮、風車都係好選擇。

由 新假期 提供

無帶道具，現場仲有得租，勁貼心！

日本香川縣三豊市仁尾町仁尾乙203‐3 父母ヶ浜海水浴場

前往方法： JR「松山」、「廣島」站坐到 JR「詫間」站，再轉乘「仁尾線」到父母ヶ浜，需時約25分鐘。

到達難度：★★☆☆☆（同樣是去程簡單，但影完日落，尾班巴士已過，只能Call 的士返JR站）

拍攝難度：★★★☆☆（除咗同樣有天氣因素影響，但觀光局網頁有曬建議最佳拍攝時間，方便好多！）

小貼士

1. 潟湖上的泥沼有好多寄居蟹，著水鞋、水靴就唔怕受傷。

2. 要注意父母濱至詫間站最後一班巴士是 18:49。 夏天日落時間較遲，拍攝完會錯過巴士，要自行Call 的士。

3. 巴士星期日及假日休息！如不自駕又不搭的士者，記得留意！

04｜海中秘景！馬來西亞黑沙灘

大部份天空之鏡都是湖或在近岸邊，但馬來西亞版本，卻竟是在海中心！話說在吉隆坡1個半小時車程外的瓜拉雪蘭莪州對開的馬六甲海，當地漁民發現每逢潮退，海中心會出現一片廣闊的沙地，水位只稍為蓋過沙洲，形成海天一色的鏡面。直到有攝影愛好者發現影低，呢個大馬天空之鏡先開始流傳。

由 新假期 提供

圖片來源：malaysiatravel.info

由 新假期 提供

圖片來源：malaysiatravel.info

去睇天空之鏡有不少條件，天晴無刮大風外，還要夾啱農曆初一、十五，及其前後2、3天，趁潮退時才可睇到。但潮退時間日日唔同，船家都無固定出發時間，要按日子而定。

由 新假期 提供

圖片來源：Sky Mirror Tour & Travel Sdn Bhd@FB

由雪蘭莪河到碼頭，大約坐半個小時船，忽然見到一處海面出現深色地帶，和艇家確認後，小心翼翼行出去，原來係淺灘，就係傳說的天空之鏡。當地人推介，著淺色或鮮色衫影相最好睇，部份艇家仲會細心準備好小道具協助拍攝。

由 新假期 提供

圖片來源：Sky Mirror Tour & Travel Sdn Bhd@FB

呢片淺灘都有近百個足球場大，但海水會不斷漲潮，所以記得聽實船家指示，拍攝時間大約有1小時。

由 新假期 提供

圖片來源：Sky Mirror Tour & Travel Sdn Bhd@FB

馬來西亞瓜拉雪蘭莪沙沙蘭漁村海灘（Kuala Selangor，Sasaran Beach）

前往方法：最簡單的方法是參加Local Tour，包括天空之鏡拍攝及天鵝島採野生生蠔；或由吉隆坡到瓜拉雪蘭莪，再找艇家安排前往

當地旅行團：天空之鏡 Sky Mirror Tour & Travel Sdn Bhd

到達難度：★★★★☆（位置在海上，一定要請艇家帶你去或參加Local Tour）

拍攝難度：★★★☆☆（要夾啱每個月農曆初一及十五前後，海水大退潮時，才會在海中央浮現出淺沙灘）

小貼士

1. 淺灘有豐富的海洋生態，愛護環境，不要帶走泥灘上的任何海洋生物或貝殼。

2. 當淺灘出現時，為免傷害各類海洋生物，除避免踩死它們外，也建議保持赤腳行走。

05｜星空搭鹽湖！澳洲一樣有

去到南半球，澳洲都有著和玻利維亞相似的鹽湖天空之鏡。說的是距離墨爾本5小時車程的蒂勒爾湖(Lake Tyrrell)，近兩年成為中國自助遊客的熱門旅遊點，令本來平靜的鄉郊小鎮受惠不少。

由 新假期 提供

微博可見中國遊客勁Hit 去鹽湖影相！

由 新假期 提供

微博可見中國遊客勁Hit 去鹽湖影相！

蒂勒爾鹽湖佔地逾兩萬公頃，一般的公共交通工具都不會去到，必須自駕前往。但只要夾著天晴無風的天氣，整片鹽湖都會像一塊完美的鏡子，映襯著日落甚至星空。

由 新假期 提供

圖片來源：Sea Lake Tyrrell@FB

有網民就試過去足3次先睇到天空之鏡的景色，總結大家的經驗，是要小心別揸車入泥沼，否則天大地大無人幫到手，只能Call 拖車；另外鹽湖的面積大，大部份地方都是白雪雪的鹽，沒有水的話就看不到鏡子；但部份地方又會水深似海又大風，所以搵唔搵到鏡面都要試彩數。

由 新假期 提供

圖片來源：Sea Lake Tyrrell

由 新假期 提供

圖片來源：Sea Lake Tyrrell

由 新假期 提供

圖片來源：Sea Lake Tyrrell

澳洲星空出名靚，加上無乜空氣污染，拍到鹽湖倒映星空的畫面就更出塵。

Nightcrawlers, back at Lake Tyrrell to light up the milky way! . . . .

#milkyway #milkywaychasers #light #laketyrrell #stars #lightjunkies

#photography #creative #visitvictoria #Australia #lightplay #match_night

#longexposure #skylovers #igersmelbourne #nightphotography #lightart  

#lightpaintingphotography #timelapse #aussie_images #noctografia

#amazing #beautiful #stars #australianphotography_magazine

#wow_australia2018 #sonyaustralia #slowshutter #samyangaustralia

#ig_shutternights

A post shared by  Liz Thompson (@calibadesign) on Apr 13, 2018 at 2:57am PDT

… 假若可接觸鏡中影像 也許一切可以留得住 #幻影 #laketyrrell #Australia #南天星夢vi #milkyway

#milkywayphotography #astroportrait #hkig #milkywayreflections

#dreamscape #nightscape #saltlake #星 #星夜 #星空 #星塵的回憶 #星之碎片 #星空的距離 #最後的告別

#再見的水彩畫

A post shared by  不動明王ゼロ (@vegabort_zero) on Feb 21, 2018 at 11:48am PST

#royalauto #laketyrrell photo 5: 1.29am. This is me and the Milky Way,

in the middle of the night. I』m holding a torch in front of me for

definition and another shining out into nothing, with the camera on a

tripod behind set to go off once a minute. It felt a bit eerie, out

there on my own in the pitch black, the only sound and movement was from

harvesters working through the night on the farms beyond the lake. The

stars were amazing, almost too many stars. @photography_by_anne_morley

A post shared by  RACV (@theracv) on Mar 26, 2018 at 1:53pm PDT

澳洲墨爾本蒂勒爾湖(Lake Tyrrell)

前往方法：距離墨爾本市區約5小時車程

到達難度：★★★★★（除自駕外，無其他公共交通工具，而且路況不佳，很易迷路或陷入泥沼）

拍攝難度：★★★☆☆（有指8-10月最佳，但只要下過大雨後，特別是澳洲的冬天時比較大機會，以日落前後最風平浪靜）

小貼士

1. 這一帶土質鬆軟，自駕時盡量走大路，不要為抄捷徑而陷入泥沼，出事要Call 拖車更煩。

2. 鹽湖的鹽刺腳，別赤腳走入湖中。

06｜元祖級！玻利維亞最靚！

講到最靚的天空之鏡，都係「原裝版」玻利維亞的烏尤尼鹽湖（ Salar de Uyuni）最無敵。位處海拔逾3,600米的鹽湖，足足有近十個香港大，最世界最大的鹽湖，成為世界各地旅人心目中的終極Dream Place。

由 新假期 提供

玻利維亞的天空之鏡定必是不少旅人的終極 Bucketlist。

這裡的天空之鏡勁在天堂感最高，周圍空曠無建築物，大晴天來到，鏡面真的完美照出天空，視線完全不受阻。

由 新假期 提供

猶如置身於天堂般！

由 新假期 提供

一望無際的天空之鏡。

不過要睇到天空之鏡當然不易，夾到盡在每年3-4月，雨季剛過時來到就最大機會看到。但只要一刮風，鹽湖境有浪就影唔出鏡面，點都要睇運氣。

由 新假期 提供

圖片來源：ericpare@Flickr

由 新假期 提供

圖片來源：crossioly@Flickr

由 新假期 提供

圖片來源：www.twowanderingsoles.com

由 新假期 提供

圖片來源：arcyandres425@Flickr

玻利維亞烏尤尼鹽湖 Salar de Uyuni

前往方法：參加Local Tour

到達難度：★★★★☆（香港飛最少35個鐘先到玻利維亞，仲要再坐車來到海拔逾3,600米的鹽湖，仲一定要跟Local Tour）

拍攝難度：★★★★☆（一年只有3-4月雨季過後最適宜；天氣方面晴天唔難，但要夾無風，水位又不過高的地方都唔易）

小貼士

1. 好消息先特區護照持有人終於可直接入玻利維亞喇！詳情請睇：玻利維亞簽證最新措施｜港人持特區護照 可辦落地簽證去天空之鏡！

2. 鹽湖海拔高，不要影相太興奮而忘形，盡量放慢活動，讓身體適應。